في ذكرى النكبة ....كتب موفق عميرة ..

معشتش النكبة ...
انتكبت لما ما قدرت ازور البحر وقت ما بدي ...
معشتش النكبة ..
بس اسمعت بكاء الصغار والكبار في التغريبة الفلسطينية...
معشتش النكبة ...
بس انتكبت عندما شاهدت الجدار يستلهم الارض ويقلع اشجار الزيتون...
معشتش النكبة ...
بس انتكبت لاني شفت يافا وحيفا وعكا والناصرة والنقب وبئر السبع وهو عمري عشرين سنة بتصريح...
معشتش النكبة ...
بس انتكبت لما دخلت اصلي بالقدس على تصريح علاج بمئة شيقل..
معشتش النكبة ...
بس انتكبت لما اعتقل الجيش صاحبي وصاحبك ...
معشتش النكبة ...
بس انتكبت لما استشهد محمد واحمد ويوسف بيدافعوا عن الوطن...
معشتش النكبة ...
بس انتكبت لما شفت أرض سيدي فيها خمسين فيلة للمستوطنين...
معشتش النكبة ...
بس انتكبت لانو الجيش بوقفوني ساعتين ونص على الحاجز...
معشتش النكبة ...
بس انتكبت لما شفت ابن بلدي في مخيمات اللجوء بستنى بكيس الطحين والسردين من وكالة الغوث
معشتش النكبة ...
بس انتكبت خمسة وستين الف نكبة قبل ذكرى النكبة ...
انتظر نكبة ...انتظري نكبة ..
ننتظر نكبة ...
لكن صمود وتحدي وارادة شعب هي ليست نكبة ...

موفق عميرة